"Hediwari"

SO ODER SO 2004

DAN (scratch): „What’s up snake why’d you violate - funny how you think you could surpass me and outlast me – up, up, up and away cause I don´t play clown - with that bullshit style you fallin´ fast G – what’s up snake why’d you violate - one of us equals many of us – up, up, up and away cause i don´t play clown - disrespect one of us you get plenty of us

FLIP: Oida, du scheißt di au und schaust di au
aun unsre Brettln haust di au
I glaub dia föht da Hausvastaund
dei Hitmaschin´ foit ausanaund
I misch di auf mit Lyrics, daß da schiach wird, pseudohoata Hund!
Mei schoafe Zung is kloa da Grund warum jeds Woat von uns so gfiacht wiad!
Du Koffa wüst jetzt Koffa volla Dollar, I glaub I kriag an Kolla
so wia da Ja Rule redst nur Holla Holla!
Jetzt wüst Schoda, Schlampn, Schampus? Vagiss es!
Redst vom Business, kummst auf hoat und fongst zum rean o bei Last Christmas
Careless whisper und aundan Kuschlrock
Oida, du wirst faschiert und dann paniert, waunn I di in mei Kuchl lock
di dann brock wia Ribisel, du bist da wo i hiwischel!
Jetzt sitzt daham und bastelst Puppn mit da Strickliesl!
Gfickta Dodl, wirst zastickelt wia vom Frodl
weist zvü mogelst und brodelst, rodelst statt flowst,
und di söba bloß vadodelst!
Ferdl jetzt kommts ernst auf Ernst,
wannst uns fernst, lernst uns kennan
dassd´ no wochenlang de Schmerzen merkst

Refrain: Ois wos du vazapfst is a koida Kaffee
wir gebn da Voigas, waunnst net ofoast mit deim bochanen Schmäh!
Heast schoit hoit auf play, wa ka foische Idee
wei wann der Schas dann amoi rennt, ja dann gfoit da des eh!

HUCKEY: I woa eh nu nie der Typ der gross de Goschn aufreisst
jetzt is soweit, sovü Schwachonis haum mi bitta entteischt
Wiast seng du bringst das ned weit
waunst Gschichtln druckst ois wasd mei Großmuada
du spinnst, song de Leid
und s´Hirn hosd ausgstrad wia a Voglfuada
Waunn wos von dir kummt daunn is geistiger Dünnpfiff!
I glaub dei Kopf is lara, ois´s a Postkastl noch 5 is!
In deina Schissl is a Sprung drin, du Hundling!
Du bist wach wia a Pudding, da Shootingstar aus Hintatupfing
I hob mei herz auf da Zung liegn, dia is´s bestenfois in d´Hosn gfoin
De Pferdln san da durchgaunga, oba i hob meine Ross im Stoi
De Zeit kumt boid amoi waunsd sogoa du checkst wos i man
Mei Text brennt ois wia a Christbam, deina is sinnlos wia a Blinddarm
Unsre Beats fett wia da Hintan von da Lopez
deine klingan wia a hinigs Moped!
jo, spinn i doppit? Du Prototyp von Prolo bist jo bleda wia de Fans vom LASK
Redst eh nua Schas, ge ham und loss di nimma auschaun do, du deppads Gfrast!

Refrain

DAN (scratch): „Up, up, up and away cause I don’t play clown“

LAIMA: Du wüst as nuamoi probieren?
wirst glei a so ane kassieren, dass da de Beisser einzeln außafliagn!
Du kriagst vo mir am Weihnochtstog an so an fettn Eiabock
dass'd nima rappen wüst, und so vagengan da die Feiertog
Kumm her du Gscher! Du kriagst vo mir nu mehr, bist reast
und wos die heit nu ärgern wird, von mir wirst ordentlich herpaniert
Hereinspaziert bei meiner Tür, mit eich nim is nu imma auf
Wer batteln wü, wird eikassiert, di kinda marsch, ins Zimma rauf!

SKERO: Bei so am Gsindel get mas G´impfte auf
I druck da de Wimmerl aus
Du host a Hian wia a Fliagn
und a Stimm wia de Minnie Mouse

LAIMA: auf di hob i scho imma mit Inbrunst hinbrunzt!
Zeast woast gegn und dann mit uns Windhund!

SKERO: Oba geh wusch! Waunn di was druckt
spucks aus oda gusch! Heast, wer zoit denn den Pfusch?

LAIMA: Du Koffa kaunnst ma moi am Foppa hupfn
Sockn lutschn, Bugel rutschn
oba komm ma net von da Maschekseitn
I loss ma net ins Taschl greifn!

SKERO: Wos is des, schwitz net!
i packs net, daß Ana so vü Schas red
Es is ka Wunder, daß i has´ geh!
Blaz net, i dazahs net!
Heast, do wiad ma fad bei deim Gschistigschasti!
Dei Stimm is laf und da Beat der passt net
Innen is Luft und außen Plastik
Ihr woits es bunt und rund, jung und gsund
Afoch untam Hund, stumpf und strunzdumm
Du bist stumm waunn i kumm!
Mei Lung pumpt, und waunnst muckst dann daschlogt di mei Zung
du wirst di wundan was kummt!
Plog di net umasunst, du Schlumpf, i steh net auf Jungs
In meina Sproch endet a jeda Satz für di mid an wundn Punkt!

DAN (scratch): „Now the dialect Sound is more thoughtprovoking“
Chorus