Produziert von Rolee, Cuts von DJ Dan
Freistil:
Refrain:
Kayo:
Wir steigen heier higher ois da Kurs vom Bitcoin
doch i bitt de um Koin, de vu mir Beats woin
Kayo – hoits Level extrem hoch
wie high kau ma sei, mehr ois a Hai in Sharknado
So high – vergiß Marihuana
i zag da dei hechas Söbst wie a Glasl Ayahuasca
Hochstapler, vergiß in Felix Baumgoatner
TTR – wir san echte Raumfoara
Roli:
A koides Schi (Bier) is die beste Therapie
Ideal fier mi und mei Philosophie
Bier is medizin do muss i Stellung beziehn
De rettung fier de ersten 6 Semester in Wien
Chemie is fier die Fisch und mocht die hin
Stimmen in meim Innan sogn do moch ma nimma mit
Wern so High von dem Bier die Engal singan fier die
Prost, die Biere gengan auf mi
Average:
Komplett waach soboid i hamkum und die Luft do inhalier/
du kriagst mi aussa aus da Stodt oba de Stodt nie mehr aus mir/
I brauchs’ so wie a Tschicker seine Hiadl oda Bam/
i bin in Wien in ana Bim und schreib a Liadl für daham/
4020 – soboid i weg bin is a koida Entzug/
damits ma ned völlig dreckig geht muas i boid wieda zruck/
durch an Linzer Körper rinnt nu imma Stoi stott Bluat/
i siag die Voest scho von da Weidn und merk ois wird guat/
Refrain:
Huckey:
Kennt’s mi e scho? Wissts ihr wer i bin?
Nennt's mi Huckey Serienking
I spoilert olle afoch so, i sog eich wer am Ende gwinnt
I varrot ois glei an jeden, ob a mog oder ned
Mir gaunz wuascht ob er daunn zfrua wass wie am Schluss die Gschicht ausgeht.
I mog olles, wos so gibt, egal ob lustig oder spaunnend
Wichtig is‘s, dass es a Sinn mocht, Spaß und Logik Haund in Haund geht
I tauch o in a gaunz neiche Wöd, immer nu a bissal länger
Mei gaunzes Leben is a Cliffhanger
I bin süchtig noch Comedy, Drama, Action und Kochshows
A fortgesetztes high, wei dagegen bin i mochtlos
Es wird schlimmer und schlimmer, wos Spezialisten bekaunnt is,
Des is des Los von olle Serienjunkies.
Fuck this, Fakt is I kenn olles, olle Episoden, des is so sicher wie bei Walking Dead de Todn
Und kummt noch ana Killer- moi a Fillerfoing, I drah ned o
Bin süchtig noch dem Gesetz der Serie wie Murphy‘s law
Refrain: